મંસુર અલી ખાને બોલિવૂડ અભિનેત્રી શર્મિલા ટાગોર સાથે લગ્ન કર્યા હતા.
મંસુર અલી ખાન અને શર્મિલા ટાગોર તેમના શરૂઆતના દિવસોમાં ખાસ્સા લોકપ્રિય હતા. પટૌડી અને શર્મિલા વચ્ચે પ્રથમ નજરે પ્રેમ થયો નહોતો. મંસુર અલી ખાન શર્મિલાને મનાવવા માટે ઘણી જ મહેનત કરી હતી.
શર્મિલા ટાગોર - મંસુર અલી ખાન વચ્ચેનો પ્રેમ
શર્મિલા અને મંસુર તેમના કેટલાંક કોમન મિત્રોને કારણે એકબીજાને ઓળખતા થયા હતા. મંસુર ખાનને શર્મિલા પસંદ આવી ગઈ હતી અને તેને મનાવવા મંસુરે ઘણાં પ્રયાસો કર્યા હતા. ચાર વર્ષ સુધી મંસુરે શર્મિલા આગળ ફિલ્ડીંગ ભરી હતી અને ત્યારબાદ શર્મિલા માની હતી. મંસુરે પોતાના પ્રેમના પ્રતિક તરીકે શર્મિલાને રેફ્રિજરેટર ગીફ્ટ આપી હતી પરંતુ શર્મિલા આ પ્રેમના પ્રતિકને લઈને ખુશ થઈ નહોતી. અંતે શર્મિલાને મનાવવા માટે ગુલાબના ફૂલ આપવાનું શરૂ કર્યું હતું અને દિવસે દિવસે ગુલાબની સંખ્યા વધારી દીધી હતી.
શર્મિલા ટાગોર - મંસુર અલી ખાનના લગ્નને લઈને અનેક અટકળો
શર્મિલા અને મંસુર અલી ખાન બંને અલગ બેકગ્રાઉન્ડમાંથી આવે છે. શર્મિલા બંગાળી હિંદુ પરિવારમાંથી આવે છે. શર્મિલા બોલિવૂડ સાથે જોડાયેલ છે. મંસુર રોયલ નવાબ પરિવારનો છે અને તે તર્કિશ મુસ્લિમ છાંટ ધરાવતા હતા. શર્મિલા અને મંસુર અલી ખાને જ્યારે લગ્ન કરવાનો નિર્ણય કર્યો ત્યારે અનેક લોકોને નવાઈ લાગી હતી.
શર્મિલા-મંસુર અલી ખાનના લગ્ન
શર્મિલા અને મંસુર અલી ખાને 1969માં 27મી ડિસેમ્બરના રોજ માત્ર નિકટના મિત્રો અને પરિવારની હાજરીમાં લગ્ન કર્યા હતા. લગ્ન કરતા પહેલા શર્મિલા ટાગોરે પોતાનું નામ આયેશા સુલ્તાન કર્યુ હતું. લગ્ન બાદ શર્મિલાએ પોતાની ફિલ્મી કરિયરને તિલાંજલી આપી દીધી હતી. શર્મિલા અને મંસુર અલી ખાનને લગ્નને લઈને ઘણાં લોકોએ ભવિષ્યવાણી ભાખી હતી કે, આ લગ્ન લાંબુ ટકશે નહીં.
શર્મિલા ટાગોર-મંસુર અલી ખાનનું લગ્નજીવન
લગ્નબાદ શર્મિલાએ સૈફ અલી ખાનને જન્મ આપ્યો હતો. ત્યારબાદ શબા અલી ખાન જન્મી હતી. 1978માં શર્મિલાએ સોહા અલી ખાનને જન્મ આપ્યો હતો. શબા અલી ખાન જ્વેલરી ડિઝાઈનર છે. સૈફ અલી ખાન અને સોહા અલી ખાન બોલિવૂડમાં જાણીતા અભિનેતા-અભિનેત્રી છે. શર્મિલા અને મંસુર અલી ખાનના લગ્નજીવનમાં ક્યારેય વિવાદ થયો નથી. જ્યારે શિકાર કેસમાં મંસુર અલી ખાનની ધરપકડ કરવામાં આવી હતી ત્યારે શર્મિલા પોતાના પતિની પડઘે ઉભી રહી હતી.
Related Articles:
મંસુર અલી ખાન પટૌડીને શ્રદ્ધાંજલી પાઠવવા કરો અહીં ક્લિક
સૈફના પિતા મંસુર અલી ખાનનું દુ:ખદ નિધન
ભારતીય ક્રિકેટના ‘ટાઈગર’ પટૌડીની તસવીરી ઝલક
No comments:
Post a Comment